реклама
Кинеските здравствени власти не откриле никакви невообичаени или нови патогени и ги дадоа бараните податоци во врска со зголемувањето на респираторните заболувања и пријавените жаришта на пневмонија кај децата, соопшти Светската здравствена организација (СЗО).
СЗО претходно побара од Кина повеќе информации за недијагностицираната пневмонија која наводно се шири меѓу децата во северниот дел на земјата и ги повика кинеските здравствени власти да преземат мерки за намалување на преносот на болеста.
реклама
Кина, во согласност со правилата, одговори на СЗО во рок од 24 часа.
СЗО побара и епидемиолошки и клинички информации, како и лабораториски резултати преку механизмот на меѓународните здравствени регулативи.
реклама
Според извештаите, податоците обезбедени од Кина укажуваат дека зголемувањето на респираторните заболувања е поврзано со укинувањето на ограничувањата наметнати поради коронавирусот, со циркулацијата на познати патогени како микоплазма пневмонија, бактеријата која предизвикува инфекција која обично ги погодува помалите деца, а циркулира од мај.
Одредени кинески медиуми претходно објавија дека детските болници во делови од земјата се полни со болни деца.
реклама
Кинеските власти го припишуваат наглиот пораст на заболувања слични на грип на укинувањето на мерките против коронавирусот, објави претходно Би-Би-Си.
реклама
