реклама
Секретарот за меѓународна соработка во ВМРО-ДПМНЕ, Стефан Андоновски вечерва во емисијата „10 Минути“ на ТВ21 вели дека кандидатот на партијата ќе го објават на крајот од јануари.
„Од изборот на кандидат на ВМРО-ДПМНЕ за претседателските избори е малку поразличен затоа што ВМРО-ДПМНЕ сама избира кандидат, што значи на конвенција на ВМРО-ДПМНЕ, што според моите информации ќе се одржи таму крајот на јануари, почеток на февруари, ние ќе избереме кандидат од сите потенцијални кандидати кои што ќе пројават интерес на таа конвенција и тогаш ВМРО-ДПМНЕ целосно си застанува и со правата, но и со обврските позади тој кандидат“, вели Андоновски.
реклама
Тој додава дека овој период се на слатки маки, затоа што навистина се квалитетни потенцијалните кандидати.
Сепак, Андоновски не би исклучил реприза на дуелот Гордана Силјановска Дафкова vs. Стево Пендаровски.
реклама
„Јас не би го исклучил тоа, но ситуацијата е многу поразлична денеска. Пендаровски по пет години покажа како не треба да се води една држава, како е да се биде партизиран, едностран, поддржувач само на политиките на Зоран Заев прво, потоа на Ковачевски и апологет кој што денеска кажува едно, тоа е најверојатно неговото мислење, а потоа кога ќе го прекорат во рамки на Кабинетот, следниот ден веднаш се повлекува и ја поддржува власта. Од другата страна ја имаме проф. Силјановска која што па за овие 4 години член на Парламентот покажа исклучителен интегритет, свое размислување, свежи идеи, квалитет во смисла како пратеник“, додаде Андоновски.
реклама
