реклама
Важно е Македонија да се движи напред, имате понуда на маса и треба да ја земете, а ако тоа не го направите и вртите грб на историјата, истакна помошник државниот секретар на САД за Европа Џејмс О Брајан во вчерашното интервју за 360 степени, говорејќи за евроинтеграцискиот процес на земјава. Тој остро го нападна ставот на опозициската ВМРО-ДПМНЕ околу неприфаќањето на уставните измени и најавите дека кога ќе дојдат на власт имаат подобар предлог.
„Има понуда на маса. И ако сакате да знаете за некого кој е и како ќе постапува кога ќе биде на власт, видете како ќе реагира на таа понуда. Ако тие велат, на многу јасен начин, еве ја алтернативата и верувам дека таа е прифатлива за другите, тогаш можете да процените дали се во право или не. Ако велат – имам подобра понуда, но нема сега да ви кажам што е – тоа е личност од која не би купиле автомобил. Па, мислам и дека не би требало да гласате за нив, исто така“, вели Џејмс О’Брајан.
реклама
На овие зборови на О Брајан, на денешната седница за пратенички прашања потсети и премиерот Ковачевски.
„Кој лаже и кому не може да му се верува слушнавме најубаво вчера од помошникот државен секретар на Америка и од кого ни кола не треба да се купи и за кого не треба ни да се гласа“, вели Димитар Ковачевски.
реклама
Вчера кога всушност беше и интервјуто на Брајан, американскиот помошник државен секретар имаше средба и токму со првиот човек на ВМРО-ДПМНЕ Христијан Мицкоски. Дали и ова лично му го рекол нему не се знае, a во партиското соопштение се наведува дека соговорниците се осврнале на повеќе прашања од суштинско значење.
„Мицкоски истакна дека стратешки интерес на Македонија освен членството во Европската унија е и заштита на националните и идентитетските обележја на македонскиот народ и Македонија. Од страна на Мицкоски беше афирмирана потребата за сериозна борба против корупцијата и криминалот како голем проблем на граѓаните“.
реклама
Инаку, темата за уставните измени и со тоа и продолжување на европскиот пат на земјава ќе биде една од темите на лидерската средба в понеделник, која е закажана за формализирање на датумот на изборите.
реклама
