реклама
Вицепремиерот за економски прашања Фатмир Битиќи во изјава за ТВ21 ja искоментира денешната изјава на поранешниот генерален секретар на Владата Мухамед Зекири.
Според него, точно е дека Владата донела заклучок за реализација на физибилити студијата за Македонски пошти и Железници, додека Зекири бил еден од избраните да ја следи состојбата. Но, Битиќи додава дека процедурата и начинот на спроведување не се споменати во заклучокот.
„Точно е дека имало заклучок во Владата да се направи физибилити студија за Пошта и Железница – Транспорт. Заклучокот го содржи само ова. Тој беше предложен како едно од лицата назначени од Владата да ги следи состојбите во Пошта и Железница. Тоа беше предложено од моја страна и тука завршува секој заклучок на владата и потоа почнува имплементацијата. Не гледам ништо контрадикторно во изјавата на претходниот секретар во Владата. Во Владата за такво нешто никогаш не се разговара. Обично имаме многу такви точки со различни заклучоци, никогаш не зборуваме за модалитетите на имплементација, каков и да е заклучокот“, вели Фатмир Битиќи.
реклама
