Регионалниот ЦУК Скопје, известува дека околу 17:25 часот е започнат пожар на кровна конструкција од барака на улицата „Бранко Заревски“ бр.36. во Драчево, Скопско.
Како што информираат од ЦУК, пожарот е проширен и биле зафатени три куќи. Интервенираат 15 пожарникари со шест противпожарни возила од БППЗ на Град Скопје.
Екипите на БППЗ на Град Скопје во 20:15 часот се уште се на терен.
– Нема повредени во пожарат, а причинета е материјална штета. Се работи на расчитување на теренот, изјави за МИА Звонко Томевски, командир на БППЗ на Град Скопје.
Интервенирано е со 25 пожарникари и девет противпожарни возила.
Извор: 24vesti.mk
