АНКАРА (АА) – Во турски воздушни напади уништени се 29 терористички позиции во северен Ирак и Сирија, а многу терористи се неутрализирани, соопшти турското Министерство за одбрана, јавува Анадолу.
„Целите, меѓу кои и пештери, засолништа, бункери и складишта, се уништени во 22 часот по локално време“, се вели во соопштението на Министерството, и се додава дека е проценето дека во некои од нив биле присутни терористи од висок ранг.
„Воздушните напади се извршени за да се елиминираат терористичките напади врз Туркије и нејзините безбедносни сили од северен Ирак и Сирија со неутрализирање на припадниците на терористичката група ПКК и други терористички елементи и да се осигура граничната безбедност во согласност со легитимните права за самоодбрана кои произлегуваат од член 51 од Повелбата на ОН“, се наведува во соопштението.
Се додава дека максимално била употребена муниција од турско производство.
Терористите на ПКК често се кријат во северен Ирак за да планираат прекугранични напади во Туркије.
„За време на оваа операција преземени се сите можни мерки на претпазливост за да се заштитат невините цивили, пријателските елементи, историските и културните знаменитости и животната средина од каква било штета“, се наведува во соопштението на Министерството.
Во својата над 35-годишна терористичка кампања против Туркије, ПКК – која е ставена на листата на терористички организации од страна на Туркије, САД и ЕУ – е одговорна за смртта на повеќе од 40.000 луѓе, меѓу кои и деца и жени. ЈПГ е сириски огранок на ПКК.
Извор: www.aa.com.tr
