ГАЗА (АА) – Најмалку 40 Палестинци загинаа, а десетици се повредени во израелските напади врз станбени подрачја во градот Деир ал Балах во Појасот Газа, јавува Анадолу.
По нападите, припадниците на палестинската Црвена полумесечина и жителите во урнатините на зградите бараа преживеани и тела на загинати.
Повредените, претежно деца, со возила на брзата помош се пренесени во болница.
Израелските напади врз Појасот Газа започнаа по нападот на палестинската група Хамас во Израел на 7 октомври. Оттогаш во израелските напади загинати се над 20.250 Палестинци, од кои најмалку 8.000 деца и 6.200 жени. Повеќе од 53.600 луѓе се повредени.
Во Газа, каде телата на многумина и понатаму се под урнатините, уништена е цивилната инфраструктура, односно болниците, образовните институции, како и местата за богослужба.
Извор: www.aa.com.tr
