Федералната влада на САД испрати дополнителни 700 маринци и 4.000 припадници на Националната гарда во Лос Анџелес, како одговор на протестите што избија поради имиграциските рации.
Потегот на претседателот Доналд Трамп наиде на остра осуда од страна на властите на сојузната држава Калифорнија, кои го оценија како „авторитарен чин“ и поднесоа тужба против федералната влада. Демонстрантите блокираа неколку автопати во градот, запалија возила и оштетија голем број на продавници. Доналд Трамп пак ја активираше националната, која со солзавец и гумени куршуми се обиде да ги растури протестите.
Досега се уапсени преку 50 лица. Центарот на Лос Анџелес е прогласен за нелегално место за собирање, поицијата се закани дека ќе го уапси секој кој ќе се затекне таму, но демонстрантите најавуваат дека нема да запрат.
– Трамп сака да не оквалификува како криминалци и крадци но ние сме тука со знаци и само сакаме да кажеме дека тоа што го прави е погрешно и ова е наша заедница.“
– Не сакаме да гледаме толку полиција на улиците.
Од полицијата во Лос Анџелес предупредуваат дека насилството на улиците на градот се зголемува.
Насилството што го гледаме е одвратно. Ескалираше во изминативе денови. Она што го видовме првата ноќ беше лошо, но следите денови стана уште полошо и понасилно. – Џим Мекдонел шеф на полицијата на Лос Анџелес.
Градоначалничката на Лос Анџелес, Карен Бас, апелираше до граѓаните да протестираат мирно, но и осуди дел од насилството. Ја обвини владата за целиот хаос кој настана и порача рациите немат никаква врска со националната безбедност.
-Рациите мора да запрат. Тие воопшто и не требаше да се случат во нашиот град. Единственот онешто кое го постигнаа зголемување на хаосот. Тој хаос почна во Вашингтон. Во четвртокот, градот беше мирен, во петок работите се променија поради интервенција на федералната влада. – Карен Бас градоначалник на Лос Анџелес.
Во Лос Анџелес живеат повеќе од 3,5 милиони имигранти. Ова не е само политичко прашање, туку директно влијае врз секојдневниот живот на нашите сограѓани“кажа Серџио Перез од Центарот за човекови права и уставно право. Ситуацијата останува тензична, додека федералните агенции најавуваат нови акции, а државните власти предупредуваат на „ескалација без преседан“по што би можело да има сериозни последици врз уставниот поредок.
Извор: 24vesti.mk
