Славчо Димитров од коалиција Маргини во Аргумент плус рече дека темата на Скопје прајд викенд годинава е „Југоквир“.
Според него, идејата е да се истражи и претстави како се појавува квир движењето во поранешна Југославија.
„Скопје прајд викенд е фестивал за квир уметност кој се случува по 13 пат. Тоа е феситвал кој адресира прашања кои ги засегаат ЛГБТ луѓето. Главен фокус се визуелни уметности но ставаме акцент и на перформанс, уметност и современ танц. Досега низ овие 12 години но и годинава низ Скопје имаат поминато многу уметници кои доаѓаат од овие уметности.Тоа недостасува на уметничката сцена. Оваа година е ‘Југоквир’ темата на фестивалот. Идејата е да ги истажиме и претставиме како се појавува квир движењето на поранешна Југославија“, рече Димитров.
Тој рече и дека поразително е во 2025 година премиер на држава да изјавува дека малдите треба да имаат повеќе деца, а да не може да ја зголеми минималната плата за основни потреби за живот.
„Ние во 2025 година сме во ситуација каде премиерот кажува дека младите треба да имаат многудетни семејства а притоа владата не може да ја зголеми минималната плата но важно е да играат на сентименти дека имаат јасни родови улоги а притоа немаат како да се прихранат и да обезбедат нормален живот“, додаде Димитров.
Извор: 24vesti.mk
