Мирот да биде главната опција и приоритет во 2025тата, посака претседателката Гордана Сиљановска Давкова на првиот ден од Новата година. Таа ги посети припадниците на Армијата во касарната „Јане Сандански“ во Штип и истакна дека е потребен нов закон за помилување во чиј фокус би биле луѓето затвореници, бидејќи смета дека сегашниот не е системски поставен.
Шефицата на државата посочи дека по повод новогодишните празници помилувани се седум лица, но и дека би требало да се предвиди поголем период од три месеци за помилување, а тоа требало да го предложат овластените предлагачи на закони, но и дополни дека можеби е потребно да се преиспита и самата казнена политика. Таа потврди дека била запозната со кривичните дела на неколкуте осудени лица кои се помилувани по повод новогодишните празници.
Извор: 24vesti.mk
