Матија Дедиќ, еден од најзначајните современи хрватски музичари, почина на 52 години. Потекнуваше од славно музичко семејство: тој беше единствениот син на кантавторот Арсен Дедиќ и пејачката Габи Новак. Иако изложен на разни музички стилови во едно такво окружување, Матија Дедиќ се посвети на џезот.
Роден е на 2 март 1952 во Загреб, каде што го завршил средното музичко образование, а дипломирал џез на Уметничката академија во Грац, Австрија. На петгодишна возраст почнал да свири клавир, а подоцна открил дека џезот му дава можност за покреативен и поличен поглед на музиката.
По дипломирањето во 1997 се вратил во Загреб и бргу се стекнал со голем углед на хрватската музичка сцена. Формирал свој џез квартет, со кој следел бројни светски џез ѕвезди
Од крајот на 1990-тите почнал да создава свои авторски дела под името „Матија Дедиќ трио“. Настапувал низ Европа и САД, пишувал музика за театар и телевизија и соработувал со популарни музичари од хрватската поп сцена.
Во 2000 потпишал договор со дискографската куќа „Кантус рекордс“, за која го снимил првиот соло албум. За вториот албум освоил три награди Порин. Подоцна објави албум со обработки на песни од татко му Арсен Дедиќ.
Матија Дедиќ често настапуваше и во Македонија, вклучувајќи го Скопскиот џез фестивал во 2020. Последниот настап во Македонија го имаше лани во август во Битола.
ИЗВОР: sdk.mk
