реклама
Пензионерите повторно го блокираа влезот на Тетово. Велат дека не се откажуваат од барањето од линеарно зголемување на пензиите од 3.500 до 5.000 денари и минималната пензија да биде 20.000 денари.
„Ние бараме од 3 500 – 5 000 денари линеарно зголемување за сите пензионери исто и бараме минималната пензија да биде 20 илјади денари. Немаше реакција по протестите и тоа е многу болно за нас да нема никаква реакција. Ние ќе продолжиме до реализирање на нашите барања“, вели пензионер.
реклама
На протест, со истите барања денеска излегоа и пензионерите од Неготино. На градскиот плоштад излегоа, поради како што велат, револтираноста од малите пензии и тешките пензионерски денови.
Од друга страна, Министерството за труд и социјална политика не отстапува од своите ставови. Од таму велат дека нема да преземат никаков чекор што ќе ја загрози стабилноста на пензискиот фонд и иднината на пензионерите, па линеарно зголемување на пензиите нема да има. За месец септември, пензионерите добија повисоки пензии за 5,3 проценти, според методологијата за усогласување со трошоците за живот.
реклама
Инаку, во Македонија живеат околу 330.000 пензионери, од кои над 97.000 имаат пензии до 13.000 денари.
реклама
