Иако Македонија подолг период се соочува со измамнички СМС пораки до граѓаните, сајбер напади врз критичните системи на државните институции, лажни дојави за поставени бомби, но и опасна содржина на социјалните мрежи како Тик Ток предизвиците од кои се повредија повеќе малолетници, државата нема протоколи за реакција ниту пак има одговорност кај раководните лица.
Со новата национална стратегија за сајбер безбедност за 2025-2028, ќе се знае кај кого е одговорноста доколку се случат вакви инциденти, најави министерот за дигитална трансформација Стефан Андоновски.
Како дел од Националната стратегија, министерот Андоновски најави нов сектор за сајбер безбедност и национален совет за сајбер безбедност + кој ќе врши стратешки надзор, а ќе се работи и над централизиран систем за одговор на инциденти.
Во меѓувреме се подготвува и Законот за сајбер безбедност кој веќе е објавен на ЕНЕР и според министерот Андоновски е следниот чекор на државата да биде во тек со светскиот тренд на дигитална безбедност и употребата на напредни технологии.
Извор: 24vesti.mk
