Општина Гази Баба објави Јавен повик за најубаво новогодишно украсување.
– По повод новогодишните и Божиќните празници ги повикувам жителите од општина Гази Баба заеднички да го разубавиме просторот во кој живееме и работиме со свој придонес во новогодишното украсување. За таа цел, општината обезбеди парични награди за најубаво украсените дворови, тераси, заеднички простор пред зграда (заедница на станари), простор пред стопански субјект, градинки и основно училиште, информираше градоначалникот на Гази баба Боран Стефковски.
Пријавувањето може да го направите на телефонските броеви 02/3212886; 078/311-317 или лично во едношалтерскиот систем во општина Гази Баба, најдоцна до 23.12.2023 год. до 16.00 часот, а податоците да содржат адреса и телефон за контакт.
Комисија од општината ќе ги посети пријавените на 25.12.2023 год. по 17.00 часот, информираше Стефковски.
ИЗВОР: skopjeinfo.mk
