Туркије неутрализира 3.070 терористи во Сирија и Ирак во 2024 година

ИСТАНБУЛ (АА) – Туркије неутрализира вкупно 3.070 терористи во Сирија и Ирак во текот на 2024 година, објави денес турското Министерство за национална одбрана, јавува Анадолу.

Министерството соопшти дека 49 терористи, вклучително и припадници на ПКК, нејзините сириски ограноци ПЈД/ЈПГ, како и ДЕАШ, биле неутрализирани во текот на изминатата недела.

Министерството извести дека минатата година 1.579 терористи биле неутрализирани во северна Сирија и 1.491 во северен Ирак.

Дополнително, 107 терористи се предале во 2024 година, се вели во соопштението.

Турските вооружени сили минатата недела открија засолниште во регионот на операцијата „Канџа-катанец“, кое вклучуваше пештера со повеќе делови и друга локација исполнета со оружје, муниција и залихи, соопшти Министерството.

Туркије во 2022 година ја започна операцијата „Канџа-катанец“, чија цел беа скривалиштата на терористите на терористичката организација во северниот дел на Ирак во регионите Метина, Зап и Авашин-Басјан.

Во врска со граничната безбедност, Министерството рече дека турските власти привеле 109 лица кои се обиделе илегално да ги преминат границите во изминатата недела, вклучително и еден терорист, додека запрени биле други 2.016.

Во текот на 2024 година, 13.939 лица се приведени за илегално преминување на границата, а 97.356 се запрени, покажуваат податоците.

– Случувањата во Сирија –

Министерството, исто така, се осврна на случувањата во Сирија, нагласувајќи ја посветеноста на Туркије за единството, територијалниот интегритет на земјата и тековната борба против тероризмот.

Се вели дека подготовките за зајакнување на безбедносните и одбранбените капацитети на Сирија продолжуваат.

Беа истакнати и напорите да се обезбеди доброволно, безбедно и достоинствено враќање на Сиријците кои живеат во Туркије.

По брифингот со новинарите, извори од Министерството за национална одбрана одговорија на новинарските прашања, истакнувајќи дека „нема место за терористички организации во новата ера на Сирија“.

Тие ја истакнаа решеноста на Туркије, заедно со новата сириска администрација, да го спречи присуството на терористички организации во земјата.

Башар ал-Асад, лидерот на Сирија речиси 25 години, побегна во Русија откако антирежимските групи го зазедоа Дамаск на 8 декември, ставајќи крај на владеењето на партијата Баас, која беше на власт од 1963 година.

Оваа промена се случи откако борците на Хајат Тахрир ал-Шам брзо ги зазедоа клучните градови во офанзивата што траеше помалку од две недели.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.