На четвртата вечер на музичкиот фестивал Сан Ремо како специјален гостин се појави и принцот Алберт кој седеше во почесната ложа во салата Аристон. Познат како голем љубител на италијанската и француската музика, неговото појавување беше вистинско изненадување, бидејќи не беше најавено во официјалната програма.
На самиот почеток РАИ се соочи со проблем кога среде преносот додека вечерта ја најавуваа Амадеус и Фиорело, снема звук и слика. Освен тоа, на сцената за првпат се појавија и припадниците на сцепацијалната полиција заедно со кучињата трагачи кои детално ја проверија салата пред отварањето. Имено, за време на гала организирана од RadioMediaset во вилата Нобел на 5 февруари по повод отворањето на фестивалската недела, локалната полиција добила анонимен повик за поставена бомба. По деталната истрага, беше утврдено дека станува збор за лажен повик. Повеќето од учесниците биле присутни во вилата. Следниот ден, повторно анонимен повик овојпат до организаторите во салата и во телевизијата РАИ која го пренесува фестивалот, но овојпат со брза интервенција, беше откриен јавувачот. Тој признал дека се јавил двапати со закана, поради неможноста да купи карта. За да ги сними присутните во салата и учесниците, Амадеус ги покани специјалците и нивните придружници во салата и најави дека се до завршувањето на вечерта, тие ќе бидат присути во салата и надвор од неа.
Денес беше објавено и дека е отпуштен од работа еден од водечките новинари на телевизијата РАИ поради навредлив и дискриминирачки монетар кон пејачката Биг Мама објавен на официјалниот профил на РАИ на поранешната социјална мрежа Твитер (сега Икс).
На претпоследната вечер се појавија сите 30 учесници кои пееја дуети со изведувачи кои веќе победиле или се долгогодишни учесници на фестивалот. Ги пееја најголемите хитови на фестивалот кои биле второпласирани на изминатите изданија.
На Амадеус му помагаше Лорела Кукарини која пред 30 години го водеше фестивалот заедно со тогашниот водител Пипо Баудо. Начинот на гласање останува ист како и во изминатите години, гласови од телевоутинг 34% и гласови од жирито на радиото и медиумите 33%:
Утревечер, сите 30 учесници повторно ќе ги изведат песните со кои се претставија првата вечер, по што ќе следи гласањето и ќе се избере претставникот на Италија на Песната на Евровизија во Малме, Шведска.
Беше прочитано и писмото на фамерите кои протестираат против политиките на заедницата како зелениот договор, директивата за квалитетот на воздухот или регулативата за пестициди, кои беа повлечени од Европската комисија и ниската откупна цена и нелојалната конкуренција.
Извор: 24vesti.mk
