Седумдесет и пет претставници на централното собрание во Куманово му дадоа поддршка на лидерот на АА Арбен Таравари за коалиција со албанската опозиција, изјави синоќа Блерант Рамадани по завршувањето на состанокот на Централното собрание, со претседателот на партијата АА.
– Како што и вие бевте сведоци сега се реализираше состанок со претставници на централното собрание каде беа присутни 75 претставници на централното собрание и сите едногласно гласаа и потпишаа исто така за да му дадат целосна поддршка на претседателот да ја реализира оваа коалиција со албанската опозиција, сѐ со цел еднаш после 20 години ДУИ да помине во опозиција, рече Рамадани.
На состанокот присуствувале 75 членови на Централното собрание на Алијанса и сите едногласно одлучиле да ја потпишат декларацијата со која му даваат поддршка на партискиот лидер Таравари.
Декларацијата е потпишана од уште десет делегати кои не присуствувалe на вчерашниот состанок на Централното собрание.
Извор: 24vesti.mk
