ИСТАНБУЛ (АА) – Висока турска амбасадорка е назначена за специјална пратеничка за борба против нетолеранцијата и исламофобијата на Организацијата за безбедност и соработка во Европа (ОБСЕ), јавува Анадолу.
Еврен Дагделен Акѓун е назначен од Малта, која претседава со ОБСЕ оваа 2024 година, за „личен претставник на претседавањето за борба против нетолеранцијата и дискриминацијата на муслиманите“, соопшти турското Министерство за надворешни работи.
Министерството уште еднаш го поздрави назначувањето на турски државјанин на оваа функција, истакнувајќи ја „активната“ и „решителната“ посветеност на Туркије во борбата против нетолеранцијата и дискриминацијата на муслиманите, се наведува во соопштението.
Акѓун, која има 30-годишно искуство во турската служба за надворешни работи, служеше на повеќе важни функции во Брисел – како пратеник во Европската Унија – како и во Вашингтон, Узбекистан и Тајланд.
Извор: Anadolu Agency (AA)
