Градоначалникот на Бутел Дарко Костовски ги повика најмалите жители на општината оваа сабота да се приклучат на бадниковите поворки по повод Божиќ.
– Збирно место е црквата “Св. Јован Крстител” во 9:00 од каде што сите дечиња ќе се упатат кон општинската зграда, а јас како градоначалник ќе ги пречекам и ќе ги дарувам дечињата со божиќно пакетче, најави првиот човек на општината.
За таа цел Општина Бутел организира автобуски превоз за сите дечиња. Автобусот поаѓа во 8:45 часот од СРЦ “Македонија”.
– Да ја продолжиме Божиќната магија во општина Бутел и оваа година, порача Костовски.
ИЗВОР: skopjeinfo.mk
