реклама
Од 1 јануари цената на електричната енергија во првиот блок се намали за 5,16%. Во вториот блок останува иста, а во третиот блок се зголемува за 2.88% а во четвртиот блок за 1,86%. Но што доколку повеќето потрошувачи кои сега во зима се греат на струја, преминат во третиот блок?
„Добро е да се нагласи фактот дека дури и оние кои преминуваат во блок 3 за потрошувачка на електрична енергија во рамки на блок 1 и блок 2 ја плаќаат цената на блокот 1 и блок 2. Дури и ако влезете во блок 3, тогаш само киловатите што се во блок 3 се по нешто повисока цена од блок 2, во зависност од ценовникот објавен од РКЕ“, вели Крешник Бектеши.
реклама
А што со тоа што се нарекува Пристап до мрежата за која ќе платиме 200 денари? Бектеши вели дека за да се намали цената на дистрибутивната мрежа, одлучено е граѓаните кои имаат 2 стана да плаќаат приклучок на мрежата.
„Од 660.000 домаќинства кои се приклучени на мрежата, 130.000 домаќинства се пасивни потрошувачи на електрична енергија. Што значи тоа? На пример, ако Крешник и Артан живеат во град Скопје и имаат друг стан во друг град, Куманово или на пример куќа во Кичево, Крешник за втората куќа или вила, за друг имот што го има секој граѓанин, не плаќаат за дистрибутивна мрежа. Зошто? Бидејќи пресметката за дистрибутивната цена се базира на потрошувачката на киловати од секое домаќинство. А за да ја намалиме цената на дистрибутивната мрежа, одлучивме граѓаните кои имаат 2 стана да плаќаат приклучок на мрежата“, порача Крешник Бектеши.
реклама
Инаку од 1 декември минатата година, достапна е и евтина дневна тарифа на струјата, секој ден од 13:00 до 15:00 часот. Од 24 часот, потрошувачите сега имаат на располагање вкупно 11 часа евтина струја од понеделник до сабота и 24 часа во недела.
реклама
