Либанскиот премиер Наџиб Микати ја осуди експлозијата во која се наведува дека го убила Ал Аури. Според него, експлозијата е ново израелско злосторство чија цел е да го вовлече Либан во нова фаза на конфронтација
Хамас објави дека една од жртвите во нападот на јужниот дел на либанската престолнина Бејрут е високиот функционер Салех Ал Арури, пренесува Си-ен-ен.
Телевизијата „Ал Акса“ на Хамас соопшти дека заменик-шефот на Политичкото биро на Хамас, водачот Салех Ал Аури, загинал во предавнички воздушен напад на ционистите во Бејрут.
Ал Арури се сметаше за еден од основачите на военото крило на групата, Бригадите Изад-Дин ал-Касам, и беше со седиште во Бејрут.
Израелската армија во октомври ја сруши куќата на Ал Арури во окупираниот град Ароура на Западниот Брег.
Во тоа време, израелските одбранбени сили (ИДФ) изјавија дека силите оперирале во градот во текот на ноќта за да ја урнат резиденцијата на Салех ал-Арури, заменик-шеф на политичкото биро на терористичката организација Хамас и задолжен за активностите на Хамас во Јудеја и Самарија.
Либанскиот премиер Наџиб Микати ја осуди експлозијата во која се наведува дека го убила Ал Аури.
Микати рече дека експлозијата е ново израелско злосторство чија цел е да го вовлече Либан во нова фаза на конфронтација.
„Ги повикуваме засегнатите земји да извршат притисок врз Израел да престане со неговото таргетирање. Предупредуваме дека израелското политичко ниво прибегнува кон извоз на неговите неуспеси во Газа на јужната (либанската) граница“,
напиша премиерот.
Поранешниот израелски пратеник во Обединетите нации Дени Данон им честиташе на израелските безбедносни и разузнавачки агенции за атентатот на висок претставник на Хамас.
„Им честитам на ИД, Шин Бет, Мосад и безбедносните сили за убиството на високиот функционер на Хамас Салах ал-Аарури во Бејрут“,
рече Данон.
Извор: 360stepeni.mk
