реклама
Ниту една политичка партија досега не го потврди својот кандидат за претседател на државата. Политичките партии како што изгледа чекаат да ги потврдат предизборните коалиции за да одлучат како понатаму. Социјалдемократскиот сојуз на Македонија наредните денови ќе информира за постапката за избор на кандидатот за претседател, откако на 26 декември донесе одлука за свикување на 27-ми конгрес на партијата, кога и ќе биде потврден кандидатот .
„Деновиве ќе информираме сѐ поврзано со процедурата за избор на кандидат за претседател“, вели СДСМ.
реклама
Од ВМРО-ДПМНЕ тврдат дека нема никакви промени во однос на тоа прашање.
„Нема промени по однос на тоа прашање. Штом има било каква одлука за истото ќе ја информираме јавноста“, порача ВМРО-ДПМНЕ.
реклама
Како што известија пред неколку дена од ЕСП, тие веќе почнале да разгледаат одреден број на кандидати и нивната тенденција е тоа да биде непартиски кандидат.
„Засега се разговара со одреден број на кандидати, но се уште не сме донеле конечна одлука за да го објавиме. Има потенцијални кандидати но нашата тенденција е да биде непартиски кандидат кој ќе биде прифатлив за сите и кој може да влијае и врз неопределените гласачи и врз тие кои досега воопшто не гласале“, вели Орхан Муртезани.
реклама
Според неофицијални информации, поранешниот претседател на Националната демократска преродба, Руфи Османи, се вели дека е потенцијален кандидат за претседател од редовите на албанската опозиција. Но, во наредниот период се очекува да бидат потврдени кандидатите од сите политички партии. Првиот круг од претседателските избори е на 24 април, додека вториот круг на 8 мај, кој ќе се одржи заедно со парламентарните избори.
реклама
