реклама
Ја поддржуваме Северна Македонија во нејзиното барање и определба да биде полноправна членка на Европската Унија, уверува шпанскиот амбасадор Хозе Луис Лозано Гарсија во неделното интервју за РСЕ.
Сепак, тој не ја исклучува можноста во процесот на преговори може да се отворат и други барања од други земји членки, дури и доколку бидат усвоени уставните измени, од кои зависи одржувањето на Втората меѓувладина конференција.
реклама
„Не сакам да пратам песимистичка порака, напротив. Она што ние го кажуваме, но и другите ЕУ инстанци, од земјите членки е дека кога сте во процесот, за да се свика Втората меѓувладина конференција, треба да го исполните тој услов, односно да се усвојат уставните измени и тогаш работите ќе добијат друга насока. Можеби ќе има други услови и барања од други земји, но на крајот работите ќе добијат друга димензија и важност. Што ќе значи ова? Дали ова ќе биде последна пречка? Можеби ќе има многу други пречки“, вели Хозе Луис Лозано Гарсија.
На слична линија е и министерот за надворешни работи Бујар Османи. Тој вели дека може да се појави некоја друга земја со некаков банален услов, но додава во случајот со Бугарија, историјата никогаш нема да биде услов во преговорите и отворањето на кластерите.
реклама
„Вардар е нечист, Македонија не е спремна и ќе не блокираат. Идејата е дали имаат право да не блокираат за тоа. Дали е точка во агендата на ЕУ. Историјата нема да биде точка во ниту едно поглавје како агенда“, порача Бујар Османи.
Министерката за надворешни работи на Бугарија, Марија Габриел пред неколку дена изјави дека уставните измени не се единствениот услов за Македонија, туку и Договорот за добрососедство и двата Протокола. Како што вели таа, има три заемно сврзани инструменти, кои се дел од таканаречниот компромис од јули 2022 година.
реклама
Но, Османи дека тоа не е точни и порачува прашајте ја Габриел како тоа нивното барање на Самитот на ЕУ на 15 декември во Брисел да стојат протоколите во заклучокот на Европската Унија за Северна Македонија некако преку ноќ исчезнаа и ги немаше во финалната верзија.
реклама
