реклама
Испразнетото место за член на ДИК продолжува да биде под знак прашалник. Албанската опозиција бара нивниот кандидат да биде прифатен, а го обвинуваат првиот човек на Собранието Талат Џафери дека намерно испратил барање за предлагање кандидати до сите опозициски политички партии. Првиот човек на Движењето Беса, Билал Касами, се сомнева дека парламентарното мнозинство се обидува преку партиите, како што ги нарекува сателити, да ја спречи опозицијата да има свој претставник во ДИК.
„Претседателот на Собранието и мнозинството се обидуваат да го игнорираат оваа право на опозицијата. Секако дека ќе се создаде многу длабок дисбаланс. Сметаме дека оваа право мора да се исполни бидејќи законот е јасен и тоа го кажува и самиот претседател на Собранието, кој не испратил барање до АА. Но истовремено испратил барање до две партии кои не беа дел од последните парламентарни избори, а тоа што го бара законот е многу дециден“, вели Биљал Касами.
реклама
Касами најави дека нема да дозволат да се оди на избори без комплетирана ДИК. А премиерот Ковачевски, упати повик до Собранието да се почитуваат законите и да се комплетира составот на ДИК.
Инаку, вчера претседателот на ВМРО-ДПМНЕ, Христијан Мицкоски најави дека доколку албанската опозиција не добие член во Државната изборна комисија, ВМРО-ДПМНЕ ќе ги повлече своите претставници од оваа комисија. А АА се уште настојува дека празното место во ДИК им припаѓа на нив со образложение дека другите опозициски партии веќе имаат нивни претставници во ДИК.
реклама
