Просторот кај поранешна фабрика Алумина заслужува да биде уреден плански, вели Стевче Јакимовски

Просторот кај поранешна фабрика Алумина заслужува да биде уреден плански.

Градоначалникот Стевче Јакимовски и денеска излезе со став дека блокирањето на носењето на ДУП-от за Алумина не е непозната пракса за советниците.

„Јас ги повикав сите советници и предложив, секоја советничка група нека каже и нека одлули кои два плана се спремни да ги поддржат , можат ли да одговорат зошто не гласаат и за планови каде што имаме само куќи? Зошто советниците на Вмро дпмне гласаа против планот во Злокуќани , еве нема згради во тој дел .Кажуваат приказни немало градинки , а во урбанистичкиот план е предвидено градинка, можат ли да објаснат зошто урбанистичкиот план за Жданец не го гласаат, 57 хектари се само куќи и каде што имаме одобрение од Град Скопје.Приказните нивни немало канализација , не чинело , ако конкретно зборуваме за Алумина имаме цевки Ф 500 , влегуваат во Ф 600 и во непосредна близина е колекторот Ф 700.За споредба само да знаете до пред 6 години по Партизанска канлизационата цефка беше ф 500“, вели Јакимовски.

Јакимовски рече дека од страна на советниците на ВМРО-ДПМНЕ се прават опструкции за недонесување на Буџетот на Општината за 2024 година и за важни проекти за граѓаните.

„Одбиваа да гласаат детални планови каде што има само куќи и каде што граѓаните бараат постојано да доградат, но, очигледно дека ваквите деструктивци се погрешен избор за граѓаните во општината. Останува да се бориме против ваквите деструкции и очекувам поддршка од граѓаните токму на оваа тема. Да се деблокира работата на буџетот, да се поддржат овие програми“, подвлече Јакимовски.