Целосно опремен кабинетот по информатика во училиштето „Кирил и Методиј“ во Стајковци

Општинското основно училиште „Кирил и Методиј“ во населеното место Стајковци доби опремен наставен кабинет по предметот информатика.

– Со реализација на овој проект обезбедивме 41 компјутер со кои опремивме еден кабинет во ООУ Кирил и Методиј во Стајковци и еден кабинет во подрачното училиште во Страчинци. Вкупната инвестиција изнесува околу 1.000.000 денари. Со опремувањето на кабинетот за реализација на часовите по предметот информатика, како и со целосната изградба на новата училишна спортска сала, слободно можам да кажам дека обезбедивме услови за современа настава за учениците во ООУ Кирил и Методиј, порача градоначалникот на Гази Баба Бобан Стефковски кој вчера го посети ова училиште. 

– И во следниот период ќе продолжиме со инвестиции за подобрувањето на условите за образование и воспитание на децата. Работиме одговорно, чесно и посветено бидејќи создаваме дела за иднината, вели градоначалникот Стефковски.