реклама
Албанската опозиција, Европски сојуз за промени, се жали дека Министерството за образование и наука ги скратила блок дотациите за општините Тетово и Чаир, бидејќи тие се раководени од опозициски субјекти. Средствата се за одржување на училиштата, превоз на ученици и греење. Валидин Адеми од EСП вели дека зголемување имало само за буџетот за плати.
„За 2024 година кај основните училишта, зборам за општина Тетово, имаме намалување на блок дотациите за 18 милиони денари, а за средните училишта имаме намалување од 13 милиони денари или за околу 800 илјади евра за 2024 година се скратени блок дотациите во о. Тетово“, порача Валидин Адеми.
реклама
Министерот за образование, Јетон Шаќири на прашањето за овие обвинувања уверуваше дека ништо нема да им недостига на општините Тетово и Чаир, но апелира блок дотациите правилно да се искористат.
„Минатата година општина Тетово не искористи 18 милиони денари од минатата година, и оваа година ќе ги објавиме транспарентно сите општини кои не ги искористиле, но општинските буџети треба да помогнат и за образовниот процес, бидејќи заедничкото управување со образованието не значи именување директори, доделување работни места, туку и коинвестирање во одредени ситуации“, вели Јетон Шаќири.
реклама
Шаќири тврди дека има зголемување на блок дотациите од 3,5% како вкупна вредност, а додава дека во текот на календарската година блок дотациите се зголемуваат со ребалансот на буџетот.
реклама
