РАМАЛА (АА) – Израелската армија денес ги продолжи своите воени упади низ окупираниот Западен Брег додека хуманитарната пауза во Газа започна рано утринава за привремено запирање на борбите во опколената енклава, јавува Анадолу.
Според репортерот на Анадолу на терен, израелската армија извршила упади во неколку градови и населени места на Западниот Брег и уапсила неколку Палестинци.
Во меѓувреме, палестински медицински извори за Анадолу изјавија дека најмалку еден Палестинец е повреден за време на израелска рација во подрачјето на старото јадро на градот Наблус.
Очевидци за Анадолу, исто така, изјавија дека израелските сили уапсиле двајца Палестинци при упад во Наблус.
Израелските сили запалија два палестински автомобила пред нивното повлекување од градот.
Тензиите се зголемија низ Западниот Брег откако избија борбите меѓу палестинските групи на отпорот и Израел во Газа на 7 октомври.
Хуманитарната пауза во Појасот Газа започна утрово во 7 часот по локално време.
