реклама
Нема никаква логика да се трошат пари за изборите да се одржат одвоени кои ќе ја чинат држава дупло повеќе отколку тие да се одржат во еден термин. Ова во интервју за Радио Слободна Европа во изјави потпретседателот на ВМРО-ДПМНЕ Александар Николовски кој посочи дека и во минатото кога изборите биле блиску, датумот на нивното одржување се спојувал и тоа само поради економски и практични причини.
„Само за месец и пол до два, толку е разликата помеѓу претседателските и парламентарни избори, нема логика да се трошат дупло средства, дупло да се ангажираат избирачки одбори. До денес не добивме ни еден кредибилен одговор на нашите прашања зошто за Македонија е подобро да потроши дупло пари и да е 6 до 7 месеци замрзната со своите активности за да спроведе два изборни циклуси“, вели Александар Николовски.
реклама
Околу одржувањето на изборите од СДСМ остануваат на ставот дека тие ќе се одржат во нивните редовни термини најпрво претседателските па потоа парламентарните.
„Во делот на одржувањето на претседателските и парламентарните избори, многу често го кажуваме нашиот принципиелен став дека прво ќе бидат редовните претседателски избори, а потоа редовните парламентарни избори. Секако дека сме отворени за разговарање за точниот датум. Очекуваме да има работни групи во Собранието, каде опозицијата ќе номинира свои членови и ќе го утврдиме точниот датум на одржување на изборите“, порачаа од СДСМ.
реклама
Вчера Мицкоски рече дека работни групи во Собранието веќе разговарале, но само околу измените на Изборниот законик за препораките од ОБСЕ ОДИХР.
реклама
