реклама
Премиерот Димитар Ковачевски денеска на седницата за пратенички прашања, уште еднаш кажа дека опозицијата треба да собере храброст и да покаже дека е за Македонија да го продолжи патот кон ЕУ, а не да дозволи опасност да се најдеме во друштво со Косово и БИХ, кои според Ковачевски се далеку позади нас во евроинтеграцискиот пат.
„Верувам дека има проевропски политичари и надвор од владеачката коалиција. Да не дозволиме да се доведеме до ниво да бидеме ставени во ист кош со Косово и БИХ, за кои ЕУ некогаш можеби ќе се врати за интеграција. Одговорноста ќе има има и презиме, како што има одговорност зошто државата беше заглавена 11 години, 17 години чекаше членство во ЕУ, и сето тоа има име и презиме и лична одговорност. Треба да престанат лагите од опозицијата, која повторно игра на картата на патриотизам, кој треба да е замена за носење на одлуки кои значат европска иднина на државата. Повторно нереализираните проекти во општините се покриваат со одлуки за патриотски чувства на граѓаните, повторно она што не им е испорачано за ветување од последните локални избори, се покрива со чувство на лажен патриотизам на кој луѓето треба да се греат, а на крај ќе сфатат дека горат нивните чевли. Затоа сметам дека одлуките треба да бидат во Собранието сега, за да може 2030 година да бидеме земја членка на ЕУ“, изјави Ковачевски.
реклама
