реклама
Центарот за управување со кризи (ЦУК), согласно информациите од неговиот Сектор за операции и координација, информира дека пожари на отворен простор вчера имало вкупно 26. Од нив, активни се уште два: во Општина Македонси Брод, с.Белица под Солунска Глава (каде што гори ретка борова шума, сува трева и грмушки) и во Општина Чашка кај с.Крива Круша (каде што гори сува трева и папрат).
Другите 24 изгаснати, од вкупно 26-те пожари во последното деноноќие, биле на целата територија на државата, во општините:
- Општина Гази Баба, кај клучка кај Арачиново (каде што горела трска);
- Општина Аеродром. покрј ул.„Ѓорѓи Капчев“ (отпадоци);
- Општина Бутел, кај населбара „Кучевишка Бара“ (сува трева);
- Општина Илинден, кај с.Бунарџик (сува трева);
- Општина Новаци, кај с.Бач (сува трева);
- Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума);
- Општина Долнени, помеѓу селата Рилево и Сливје (сува трева);
- Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
- Општина Гевгелија, кај с.Ѓавато (сува трева);
- Општина Велес, с.Иванковци (сува трева);
- Општина Чашка, с.Стари Град (сува трева и трње);
- Општина Штип, помеѓу конфекција Албатрос и Штипска млекара (сува трева и грмушки);
- Општина Куманово, 2 пожара, с.Карабичани (сува трева) и с.Романовце (стрниште);
- Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
- Општина Крива Паланка, с.Луке (букова шума и сува трева) и во
- Општина Кратово: с.Татомир (каде што горела сува трева).
реклама
