реклама
Директорот на Јавното претпријатие „Државни патишта“, Ејуп Рустеми вечерва во емисијата „10 Минути“ на ТВ21 одговори зошто има доцнење во работата кај тунелот кај Блаце.
Според Рустеми, се доцни поради непочитување на посебниот режим воспоставен во тунелот.
реклама
Тој рече дека овие работи биле прекинати речиси два месеци во текот на летните месеци бидејќи имало густ сообраќај поради доаѓањето на иселениците, а од друга страна не се почитувале семафорите.
Сепак, рече дека работите на овој тунел ќе завршат следниот месец.
реклама
„Поправката на тунелот се врши врз основа на проектот и времето определено од проектантот и ревизорот на проектот. Тунелот не беше рехабилитиран 50 години, а ние одвоивме дополнителни ресурси за рехабилитација на тој тунел. Од едната страна на тунелот се работи, а од другата страна има движење на возила. Во меѓувреме имавме посебен режим на возила кој не се почитуваше, неколку пати баравме помош од полицијата, но не ни одговорија. Затоа решивме да ги прекинеме работите во летните месеци, во секој случај работите ќе завршат во месец ноември“, рече Рустеми.
реклама
