реклама
По обвинувањата на адреса на Општина Тетово, од страна на директорот на Националниот парк „Шар Планина“ Ибрахим Дехари, дека отпадот од работите што се изведуваат на патот кај викендичките, се фрла на забрането место, општинскиот Инспекторатот излегол на терен и констатирал неправилности и наредил на фирмата што ја врши реконструкцијата што поскоро да го отстрани нелегално фрлениот отпад. Сулимани исто така додаде дека реакцијата на Дехари е целосно политичка
„Затоа што толку многу се грижите за Националниот парк „Шар планина“. Како вие и вашата партија дозволивте да се градат бесконечно хидроцентрали во овој парк за кој божем толку се грижите, а оваа катастрофа да биде уште поголема, зошто овие хидроцентрали во 90% од случаите ги градат поранешни функционери на вашата партија, или од сегашните функционери“, вели Садат Сулимани.
реклама
Инаку, вчера јавната установа Национален парк Шар Планина ја осуди Општина Тетово и компанијата која ги изведува работите на Попова Шапка на патот на викендичките дека фрлаат цврст материјал и отпад на недозволено место. Директорот на оваа институција Ибрахим Дехари рече дека за оваа информација била известена и полицијата и другите органи кои подготвиле и извештај.
реклама
