Промовирани книгите „Радио“ и „Неправилен ритам“ на новинарот Љупчо Јолевски во Тетово

June 15, 2023
2 mins read

Во Тетово се одржа промоција на книгите „Радио“ и „Неправилен ритам“ од долгогодишниот новинар, водител и уредник Љупчо Јолевски, кој во новинарството е повеќе од три децении. Кариерата ја почнал во Млад Борец на почетокот од 1980-тите, долги години бил во Телевизија Скопје и во Македонското радио – Втора програма. Паралелно четири години бил уредник на Музичкото радио Канал 103, а соработувал и со изданијата на Детска радост, ревијата Екран и тогашна Нова Македонија. Од крајот на 1990-те бил новинар во Телевизија Скопје, магазинот Старт, потем уредник во дневните весници Дневник и Време, соработник на интернет порталот Блесок, на Светската и на Европската музичка енциклопедија и повеќе од седум години водител на музичката емисија Скопје – Париз – Тексас на Радио Равел. Во Радио Слободна Европа Јолевски беше од самиот почеток на емитувањето на програмата на македонски јазик.

Промовирам две книги во период од пет години, книги кои слегуваат надолу две три децении, едната е „Радио“ објавена пред пет години и книга која се занимава не со радиото како медиум, туку со нешто друго, со сето она, што, како културна рубрика или јас како новинар, во културната рубрика на Радио Слободна Европа, успеав да го вообличам во радио прилог, во интервју, рецензија, во осврт, нешто што беше емитувано на програмата, нешто што, беше трка со времето, стигна на време, сето тоа, да излезе во час, час и половина, прво како текст, па како радио прилог, па потоа како, веб-сајт, и на крај, една книга која појде многу надолу, книга која се занимава со современата музичка сцена, се вика „Неправилен ритам“ книга за современата македонска музичка сцена, книга во која на 800 страници се поместени бројни интервјуа, со по мене најзначајните ликови на она што претставува наша музика, македонска музика, еве неколку да напоменам, Анастасија, Архангел, Влатко Стефаноски, Леб и сол, Симон Трпчески, Дарија Антовска итн., истакна Јолевски на промоцијата.

Во книгата „Радио“ има новинарски текстови посветени на работата и на тетовчани-уметницата Ивана Настески, музичарот Глигор Кондовски и фотографот Драги Неделчевски. Пред покрај промоторот Дејан Трајковски, зборуваше и Неделчевски.

Имам една моја теорија за „елементарните нешта“, а тоа се предмети, книги, фотографии (испечатени) и сл. за кои не е потребен никаков уред или посебни услови да се користат или да се употребуваат (уживаат). Како пример тоа може да биде столче кое служи за седење или книга која едноставно ја земаш во рака и ја читаш. Многу други работи како филм, музика, интернет, за да се користат е потреба струја или некој уред. Без тоа тие се неупотребливи. Затоа сметам дека книгите се многу важни нешта. Во време кога секој сака да не негира како македонска култура и држава воопшто, а со помош на неспособните или корумпирани политичари тоа им успева, сметам дека можеби последната брана на зачувување на македонскиот идентитет и култура се токму вакви книги кои ќе останат во наследство на идните генерации, посочи Драги Неделчевски.

Во рамки на мултимедијалната промоција свое дело изработи уметницата Ивана Настески, додека во музичкиот дел настапија Дробицки /Омерагиќ/Кондовски трио, Дуо Скупи и Дејан Спасовиќ проект.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Утревечер дел од улиците во Скопје ќе бидат затворени за сообраќај

Следно

Борел ги поканил Вучиќ и Курти на средба во Брисел за смирување на тензиите  

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop