Претставата „Одења и слични кореографски решенија“ го затвора вечерва „Танц фест“

April 28, 2023
1 min read

Со изведба на претставата „Одења и слични кореографски решенија“ во режија и кореографија на Филип Петковски, вечер во 20 часот на малата сцена во Националната опера и балет завршува 19-тото издание на фестивалот „Танц фест“.

Во претставата учествуваат Мими Поп Алексова, Дејан Битровски, Сара Цветковска, Давид Николовски и Борјан Ристовски. Музиката е на Давид Николовски, Виктор Филиповски, Горјан Стојменовски и Сашко Костов, а костимите ги изработи Антонија Гугинска Јорданоска.

Режисерот и кореограф Петковски за претставата вели дека е инспириран од бројни теоретизации за концептот кореографија, во шест слики, и  критички и телесно го преиспитува процесот на создавање  кореографија, користејќи го одењето како најбазично движење на човекот.

-Служејќи се со ритмика, физички театар и танц, претставата упатува критика кон потребата за спектакл заснован на комплексен танцов вокабулар и напорен тренинг за танцот да биде промулгиран и сметан за висока уметност, вели режисерот.

Филип Петковски е кореограф, режисер и доктор на науки по културолошки студии и изведбени уметности. До 2020 година работел како асистент на Катедрата за светска уметност, култура и танц на УКЛА, a режирал девет театарски претстави во земјава, Норвешка и САД.

Пред почетокот на претставата „Одења и слични кореографски решенија“, по повод Светскиот ден на танцот – 29 Април, ќе биде прочитана македонската порака што годинава ја напиша Александар Георгиев.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

MARKETING

MARKETING

Претходно

Фото: Тротоарот на „Гологанов“ претворен во паркинг

Следно

И трансакциите кон „Бехтел и Енка“ ќе останат тајна, ЈПДП не е на „Отворени финансии“

Latest from Blog

Се продава „Соравиа“ со која оперира Дрин Ахмети, внукот на лидерот на ДУИ, за над 22,4 милиони евра

Скопскиот извршител Андреја Буневски распиша оглас за продажба на деловниот центар „Соравиа“ со кој оперира внукот на Али Ахмети, Дрин Ахмети, објави Телма. Почетната цена за објектот е околу 22.406.000 евра. Извршителот

Шефот на турската дипломатија Фидан во Париз се сретна со францускиот колега Баро

АНКАРА (АА) – Министерот за надворешни работи на Туркије, Хакан Фидан, во Париз, главниот град на Франција, се сретна со францускиот министер за надворешни работи Жан-Ноел Баро, известува Анадолу. Според информациите добиени

СДСМ: Мицкоски го допре дното, по промоцијата на Магна, очекуваме Мицкоски да го пушти во употреба „Мој ДДВ“

Од СДСМ продолжуваат со обвинувањата дека премиерот Христијан Мицкоски редовно пушта проекти на СДСМ. Оттаму велат дека Мицкоски не може да се помири со туѓите успеси, па затоа по втор пат неделава
Go toTop