Акропол денеска затворен од 13 до 17 часот поради високите температури

Поради високите температури најавени за денеска, во периодот од 13 до 17 часот, Акрополот во Атина ќе биде затворен за туристи, јави дописничката на МИА од Атина.

Од Археолошката управа во Атина утрово соопштија дека Акропол на четири часа ќе биде затворен за безбедноста на вработените и посетителите.

Во Грција денеска се очекуваат температури над 40 степени.