Ќостарова Унковска во Аргумент плус: Родителите на загинатите деца во Кочани се плашат од заборав

Клиничкиот психолог Лина Ќостарова Унковска во Аргумент плус рече дека трагедијата во Кочани е надвор од сите искуства.

Според неа, родителите на загинатите деца не се плашат за нивните животи и за нивните позиции туку се плашат од заборавот.

„Трагедијата во Кочани е надвор од сите наши досегашни искуства и бараше голема подготовка.Сеедно колку и да сме искусни, ние се трудиме да ги разбереме потребите на заедницата и потоа гледаме како да се задоволат тие потреби на повредените, родителите и преживаеаните. Нашите подготовки траеја долго бидејќи ги следевме потребите на заедницата и откривавме ресурси. Ресурсите на заедниците мора да се пронајдат, во вакви трагедии се излегува на површина. Мислам на се што не е соодветно за заштита на заедницата. За да се помогне на заедницата треба да се оди со отворен разговор затоа што луѓето од ништо не се плашат. Не се плашаат за нивните, животи за нивните позиции, нема што да изгубат. Се плашат од заборавот. Ние помагаме да сфатат дека тој заборав нема да се случи. Ние им помагаме да се на безбедно ниво, да се искажат, за да може да излезат во име на децата да направат исчекор. Шанса за нова смисла во животот и за редефинирање на животот“, рече Ќостарова Унковска.