Натпреварот од осминафиналето на Светското клупско првенство меѓу Реал Мадрид и Јувентус можно е да биде одложен. Според најавата на метеоролошката служба за време на натпреварот најавени се грмотевици во околината на Мајами.
Ризикот од олујно невреме е присутен за време на почетокот на натпреварот на „Хард рок“ стадионот. Според протоколот од американските спортови на отворено (НФЛ, МЛС) натпреварот се прекинува за 30 минути, ако има удар на гром во радиус од 13 киломтери.
На оваа одлука реагираат екипите од Европа.
– Ова е необично за нас од Европа, изјави бекот на Реал Мадрид Дани Карвахал.
На ова натпреварување досега се прекинати шест натпревари поради невреме или грмотевици.
Почетокот на натпреварот е закажан за 21 часот по македонско време. Покрај овој натпревар треба да се игра и последното осминафинале меѓу Борусија Дортмунд и Монтереј. Овој натпревар се игра во Атланта во 3 часот по полноќ. (МИА)
Извор: kurir.mk
