Мирче Јовановски во 24 анализа рече дека во Македонија повеќе ќе се почувствуваат индиректните ефекти од американските царини.
Според него, најважно е институциите да расчистат чии податоци за дефицит се точни, дали нашите или американските и според тоа да се насочат во решавање на овој проблем.
„Денеска премиерот во изјавата спомна дека индиректните ефекти ќе бидат поголеми посебно доколку страда германската економија. Нашиот извоз е таму. Неколку пати ја имам слушнато таа реченица дека кризата е шанса но тоа бара посериозни економси политики, промена на структура, барање на нови пазари е сега колку тоа ќе се реализира јас не сум убеден. Останува да видиме“, рече Јовановски.
„Ние како мала држава ограничени ни се мерките и можностите со кои можеме да влијаеме. Факт е дека има разлики меѓу царинските податоци кај анс и во САД. Дали имаме дефицит или суфицит е главното прашање што треба да се реши, јас сум зачуден во големите разлики. Тука се споменуваат и автобусите кои се произведуваат кај нас па се извозуваат во Белгија и потоа се транспортираат во САД. Дали од тој извоз има разлика, не знам треба инсистуциите да го расчистат“, додаде Јовановски.
Извор: 24vesti.mk
