Универзитетскиот професор Оливер Андонов во Аргумент плус рече дека кога се зборува за ризици и закани не треба да се заобиколуваат одговорностите.
Според него, до катастрофата во Кочани дополнително придонело и непочитуањето на знаењето на стручната фела. Тој зборуваеш и за тоа дека Центарот за управување со кризи и Дирекцијата за заштита и спасување не треба да се спојат во една инсистуција.
„Кога зборуваме за ризици и закани, без разлика на научните достигнувања не можеме да ги заобиколиме одговорностите кои се темелат на законски обврски. Низ теоријата и праксата излегле тие закони. Дефинирани се и обврските на секоја од институција пооделно. Не само да читаме закони туку и да ја почитуваме фелата. До оваа катастрофа не доведе непочитувањето на знаењето на тие што учеле. Ние имаме школо за одбрана, имаме воена академија која подготвува луѓе за кризен менаџмент и ние немаме систем во кој луѓето се учат да бидат отпорни. Отпорноста ја чинат граѓаните не само државата“, рече Андонов.
Тој објасни и дека ЦУК и ДЗС не треба да се спојат во една институција.
„Најпрво во Кочани ЦУК има 10 вработени а ДЗС има еден вработен, ситауцијата треба да е обратна. ЦУК не спроведува мерки за заштита и спасување и нема оперативни сили, ЦУК не треба да има 350 вработени, директорот треба да е стручен човек кој ќе процени ризици, треба да има штабови за управување со кризи. ЦУК И ДЗС треба да бидат посебни тела а не да се заедно. ДЗС е оперативен орган кој треба да е во состав на МВР а ЦУК да е посебно. Тоа е владина иснтитуција која треба да го намали бројот на вработени“, додаде Андонов.
Тој зборуваше и за неговиот учебник „Основи на процена на ризици и закани“ во кој се сублимирани теоретскиот и практичниот дел за прифатливи ризици, закани и планирање на кризи.
Извор: 24vesti.mk
