Здружението на новинарите на Македонија денеска ги додели традиционалните годишни награди на најистакнатите новинари и медиумски професионалци.
Наградата за животно дело „Крсте Петков Мисирков“ ја доби Ѕвездан Ѓорѓиевски за неговиот траен придонес во македонското новинарство.
Наградата за истражувачко новинарство „Јашар Еребара“ беше доделена на Истражувачката Репортерска Лабораторија за сторијата: Службеничка од пошта ги штитела централите на ЕСМ од пепел, „пеплосан“.
За најдобро новинарско известување на локални и регионални теми, наградата ја доби Фисник Џелили од Порталб.мк за сторијата „Насилството меѓу учениците – сериозен аларм во Тетово “.
Трајче Антоновски снимател од ИРЛ доби награда за најдобра камера и филмско изразување
Признанија за посебен придонес во промоцијата на професионалното истражувачко новинарство добија: Новинарскиот истражувачки магазин КОД од ТВ Телма. Александар Димитриевски и Михаил Милошевски за серија прилози објавени на 360 степени.
За прв пат годинава ЗНМ додели награда за најдобар снимателски проект од јавен интерес. Наградата ја доби Иван Поповиќ.
Комисијата за награди беше во состав на Герман Филков, Душица Мрѓа и Сенат Зулбеари. За категоријата сниматели дополнително беа и Зоран Догов и Сашо Доковски. Наградите и признанијата беа доделени од претседателот на ЗНМ, Младен Чадикоски.
Извор: 24vesti.mk
