Францускиот документарен филм „За Адамант“ на режисерот Никола Филибе ја доби престижната Златна мечка за најдобар филм на 73. Берлинале. Адамант е париска дневна болница за луѓе со ментална болест. За наградата одлучи меѓународното жири на чело со американската актерка Кристен Стјуарт.
Сребрена мечка-Гран при за најдобра режија доби германскиот режисер Кристијан Пецолд, за филмот „Афир“.
Наградата Сребрена мечка за најдобра улога ја доби Софија Ортеро за ликот во филмот „20 илјади видови пчели“.
Наградата на Меѓународната федерација на филмски критичари – ФИПРЕСЦИ, со чие жири годинава претседаваше македонската критичарка Гена Теодосиевска, е доделена на четири филма: „Опстанокот на добрината“ на австралискиот ветеран Ролф де Хер во главната конкуренција, „Овде“ на Белгиецот Бас Девос во селекцијата Средби, данскиот „Тивката миграција“ на Малене Чои во Панорама и романскиот „Помеѓу револуциите“ на Влад Петри во Форум.
ИЗВОР: sdk.mk
