Собранието го доби предлогот за разрешување на министрите Фатмир Меџити и Азир Алиу, а седницата ќе се одржи утре. Предлогот е на премиерот Талат Џафери врз основа на член 94, став 2 од Уставот, според кој премиерот може да предложи разрешување на член на Владата. Во исто време, Џафери веќе има и предлог за нивни наследници.
„(Премиерот) му предлага на Собранието на наредната прва седница да ги разреши Фатмир Меџити од функцијата министер за здравство и Азир Алиу од функцијата министер за информатичко општество и администрација“, наведуваат од Владата.
„Собранието на РС Македонија ги избира: Илир Демири за министер кој ќе го води Министерството за здравство и Наим Бајрами за министер кој ќе раководи со Министерството за информатичко општество и администрација“.
Предлогот на Џафери доаѓа откако Советот на Алијанса за Албанците побара разрешување на министрите Алиу и Меџити и нивна смена со други. Ова двајцата министри го нарекоа политички реваншизам поради поддршката што му ја даваат на првиот човек на партијата Арбен Таравари за настап на изборите со албанската опозиција.
Лидерот на СДСМ Димитар Ковачевски најавува дека неговите пратеници ќе гласаат согласно владиниот предлог.
Но, оваа изјава на Ковачевски се чини дека не е во согласност со неговото тврдење, кога велеше дека е во комуникација со првиот човек на Алијанса, Арбен Таравари и оти разрешувањето на министрите не е предлог на Таравари.
Министерот Фатмир Меџити најави дека ќе учествува на утрешната седница за негово разрешување и ќе се обрати пред пратениците.
„Дали ќе бидам и до кога ќе бидам министер не зависи од мене. Има Собрание и почитуваните пратеници ќе одлучат кој и до кога ќе биде министер. Кога ќе бидеме поканети, според законот, како министри кои се уште се на функција, имаме право да им се обратиме на пратениците и секако ќе ги прашаме, исто како што неформално ги прашавме и знам дека индивидуалното мислење на речиси сите пратеници зашто јас како министер за здравство и министерот Алиу навистина бевме успешни во нашата работа“, рече Меџити.
Разрешувањето на Меџити и Алиу доаѓа само неколку дена откако му дадоа поддршка на Таравари.
Фатлуме Дервиши
Извор: alsat.mk
