Во Србија, во текот на 2023 и 2024 година, 42 проценти од бегалците и барателите на азил кои се обратиле до УНХЦР за поддршка при наоѓање работа, започнале да работат, објави денеска специјализираниот портал за вработување Инфостуд по повод Светскиот ден на бегалците.
Како што е наведено, од тие лица, 20 проценти биле вработени во служба за поддршка на клиенти, 17 проценти во различни сектори на компанијата ИКЕА, 15 проценти во туризмот, 13 проценти во малопродажните синџири и 11 проценти во производствените погони, се наведува во соопштението на Инфостуд, кои спроведоа истражување за положбата на бегалците на пазарот на трудот во Србија.
Се додава дека другите работат во одржување на хигиена, во ресторани, ИТ сектор, сметководство и медицина.
Исто така, истражувањето спроведено заедно со Комесаријатот за бегалци покажа дека во периодот од 2019 до 2023 година, 72 проценти од бегалците изјавиле дека се вработени.
Нема сигурни и целосни податоци за тоа колку бегалци се наоѓаат на пазарот на трудот во Србија, додека бегалците и барателите на азил честопати бараат работа и се снаоѓаат на пазарот на трудот сами, а податоците покажуваат дека луѓето кои бараат заштита во Србија поради конфликт, насилство или прогон најчесто доаѓаат од Украина, Либија, Авганистан, Сирија, Иран, Ирак, Куба или Бурунди.
Се потсетува дека од минатата година, на бегалците и барателите на азил не им е потребна работна дозвола за пристап до пазарот на трудот во Србија.
Со измените на Законот за вработување на странци, бегалците можат легално да се вработат со лична карта издадена од Канцеларијата за азил на Министерството за внатрешни работи, додека барателите на азил мора да достават и потврда за нивниот статус до работодавачот.
Новина е и тоа што пристапот до пазарот на трудот за барателите на азил е забрзан, така што тие можат да почнат да работат шест месеци по поднесувањето на барањето за азил.
Извор: kurir.mk
