Новиот претседател на Врховен суд Африм Фидани очекува во Кривичниот суд во Скопје да се спроведе целисходна постапка за случајот Кочани. Судот каде што ќе се води постапката ги исполнува условите, за разлика од другите на подрачјето на штипска апелација – каде недостасува човечки кадар пред се судии.
Фидани со свечена заклетва во Судскиот совет беше избран за претседател на највисокиот суд во земјава. Нов ВД претседател доби и Кривичен суд, а беа избрани и вд претседатели на судовите во Гостивар, Дебар и Свети Николе.
Нови судии доби кривичниот оддел во Апелационот суд. Меѓу нив е и судијката Марија Клетничка Марковска, сопруга на советникот на премиерот за надворешна политика, Сашо Марковски. За претседателот на Судксиот совет Александар Камбовски – нема ништо спорно во изборот на новите судии. Жално е целиот нивен живот којшто го посветиле на судиската функција да го поврзуваме со сопруг или сопруга, вели Камбовски
Инаку во дискусијата за избор на вд претседател на Основен кривичен суд Скопје координаторот Данка Ристова искажа низа забележки. Таа во образложувањето кажа дека процедурата за избор е спорна, заради начинот на оценувањето но и нецолосно усогласени одредбите за поставување на в.д. претседател.
Извор: 24vesti.mk
