реклама
ВМРО-ДПМНЕ се уште не донеле конечна одлука за влез во техничката влада 100 дена пред изборите кои ќе се одржат на 8 мај. Со техничката влада ќе претседава Талат Џафери, но од ВМРО-ДПМНЕ не се задоволни со неговата номинација, затоа за ова прашање ќе разговараат во партијата.
За СДСМ евентуалниот бојкот на техничката влада од ВМРО-ДПМНЕ не е ништо ново. Како што изјави пратеничката Даниела Марковска, деструктивните политики и блокирањето на Собранието се нешто што ги виделе и порано.
реклама
Инаку, според законот за Влада, најпрвин актуелниот премиер поднесува оставка и Собранието тоа треба да го констатира, а тоа значи оставка и на целата влада. Претседателот на државата му го дава мандатот на кандидатот за технички премиер за состав на кабинетот, а истиот го усвојува Собранието со мнозинство гласови од вкупниот број на пратеници. Министерството за внатрешни работи и МТСП ќе и припаднат на ВМРО-ДПМНЕ. Мандатот на техничката влада важи додека да се констатира новиот состав по изборите на 8 мај.
реклама
