реклама
ВМРО-ДПМНЕ тврди дека за време на насилниот упад во М-НАВ, биле физички нападнати повеќе лица, а еден од нападнатите бил удрен, по што истиот паднал врз апаратурата, со која се контролираат авионите. Во тој момент имало околу 40 авиони кои вршеле прелет, а во текот на денот имало слетување на два НАТО авиони. Поради тоа, од ВМРО-ДПМНЕ велат дека безбедноста на воздушниот сообраќај била загрозена и бараат одговорност.
„Како што дознаваме, неофицијално, во моментот на насилниот упад, на македонското небо вршеле прелет околу 40 авиони, а 2 авиони, од кој еден бил на сериозна авио компанија, кружеле над Скопје повеќе време и чекале дозвола за слетување. Во текот на денот имало и две слетувања на НАТО воздухоплови на аеродромот во Скопје. Да биде трагедијата уште поголема, во упадот учествувало и самото обезбедување, кое има задача да го штити објектот, но очигледно тоа не се случило, туку овие лица играле улога на поддршка на насилниците.“, вели Чулев.
реклама
