На ден пред Курбан Бајрам импровизираниот пазар кај стадионот во Тетово преполн.
Цената на еден курбан се движи до 200 евра а за овен од 250 евра па нагоре.
Продавачите се жалат – граѓаните не купуваат многу, а поплаки стигнуваат и поради хуманитарните организации за кои велат дека собираат средства за курбан, а курбаните не ги купуваат од пазарот.
„Слабо за курбан, нема многу интерес, не се печалбарите тука, нема многу интерес. Станаа малку поскапи“.
-Колку чини овен, колку чини овца?
„Овца чини 200 евра, овен чини 250 евра“.
„Бараат повеќе овни, земаат и овци, земаат и големи животни. Во изминатите години беше послабо, сега се појавија многу здруженија каде им се праќаат парите, некои се колат во здруженијата, некои не се колат, но луѓето веќе не сакаат дома да носат, не знаат дали да го колат или што. Ако одлучат да го колат, мора сами да одлучат дали да го колат курбанот или не“.
„Оваа година е послаба од минатата година, бидејќи имамите веќе даваат пари како милостина, нема курбани. Сè се промени, но курбаните се по иста цена како минатата година“.
Купувачите кои ги сретнавме велат дека тие што сакаат и можат наоѓаат пари за курбан.
„На тие што купуваат им е скапо, на тие што продаваат, евтино, но добро е, поволна е цената, сега стигна, тој што има пари купува, тој што нема, си бара чарето“.
200 го купив лани, 200 и годинава, секоја година купувам, пред три години беше 150 сега 220, бараа 200, варира цената, ако имаат можности, луѓето купуваат.
Интересот е опаднат и за готова баклава, се пожалија слаткарите.
„Интересот е слаб, сега почнаа и дома да правата, но ние сме подготвени бидејќи е празник, верски празник и секој муслиман и Албанец го празнува, ние овде имаме баклава, шеќерпаре, алиѓина – имаме и други слатки, што сака клиентот тоа му нудиме“.
Една тепсија баклава чини од 2000 до 2500 денари, но многу граѓани купуваат на парче кое чини од 20 до 40 денари.
ИЗВОР: ТВ 21
