реклама
Уапсено е уште едно лице за случајот со убиството на 14-годишната Вања. Станува збор за 46 годишен скопјанец, чиј идентитет се уште не е објавен, а се сомничи за помагање за бегство на првоосомничениот Љупчо Палевски Палчо. Како што информираат од Обвинителството, со ова лице е извршен информативен разговор и на нивно барање, судот определи мерка притвор во траење од 48 часа. Како што велат од обвинителството, постои основано сомнение дека осомничениот го сторил кривичното дело, што произлегува од досега прибавените докази од Бирото за јавна безбедност, Сектор за меѓународна полициска соработка доставено до СВР Скопје во кое е наведено дека лице осомничено дека сторило кривично дело, по кое сега е распишана меѓународна потерница, на 02.12.2023 година било регистрирано на граничните премини во Р.Бугарија и тоа со влез во Р.Бугарија на ГП Калотина и излез од Р.Бугарија на ГП Капитан Андреево (кон Р.Турција). И двете регистрации се со возило марка Ланд Ровер, управувано од осомничениот кој вечерва е приведен.
реклама
