Турскиот министер Коџа: Туркије донесе на лекување уште 85 пациенти од Газа

ИСТАНБУЛ (АА) – Туркије синоќа префрли уште 85 пациенти, меѓу кои и повредени лица од опколениот Појас Газа, од Египет на турска територија, изјави министерот за здравство Фахретин Коџа, јавува Анадолу.

Два авиона со пациенти и нивни придружници синоќа слетаа во главниот град Анкара.

Вкупно „85 пациенти и повредени лица од Газа вечерва се донесени во Туркије од Египет. Пациентите, придружени со група од 106 лица, ќе добијат медицински третман во нашата земја“, објави Коџа на платформата Х.

Туркије од почетокот на разорните израелски напади врз Појасот Газа прими 292 повредени и болни пациенти од Газа на лекување, објави министерот Коџа на платформата Х на 31 декември.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.